Trad (Child #238, Roud #101)
There were four and twenty nobles sat in the king's hall,
And bonnie Glenlogie was the flow'r o' them a'.
There were nine and nine nobles rode through Banquerie Fair
And bonnie Glenlogie was the flow'r o' them there.
There were six and six maidens sat in the King's hall
Bonnie Jeannie o' Bethelnie was the flow'r o' them a'.
Doun come Jeannie Gordon, she come trippin' doun the stair
And she's chosen Glenlogie for a lord that was there.
Oh Glenlogie, oh Glenlogie, gin you'll prove kind
My love is laid on you, an' I've telt you my mind.
Well he's turned her doun lightly as the Gordons does a'
sayin' I thank you Jeannie Gordon but I'm promised awa'
Aye she's gone tae her maidens for to mak' her a bed
With ribbons and a napkin for to tie up her head
And it's up and spak' her faither, and a wise man was he
Sayin' I'll wed you to Dumfendrum, for he's mair gowd than he
Oh haud your tongue faither, for that will'na be
I'll wed me Glenlogie, for him will I dee.
So her faither's ain chaplain, and man o' great skill,
He's wrote a broad letter an indighted it well
Sayin' a pox on ye, Logie, now since it is so
My lady's love's laid on you, must she die in her woe?
Aye a pox on ye, Logie, now since it is time
My lady's love's laid on you, must she die in her prime?
So Logie's got the letter, him being among men
It's out an spak' Glenlogie, what does yon women mean?
When he looked on the letter, a light laugh gied he
But e're he read o'wer it, a tear blint his ee
Gae saddle me the black horse, gae saddle me the brown
Bonnie Jeannie o Bethelnie'll be deid ere I win
But the horses werenae saddled, nor lead on the green
Till bonnie Glenlogie was three miles his lane
Pale an wan was she when Glenlogie came in
It's red an rosie grew she, when she kent it wis him
Whaur lies yer pain, lady, does it lie in yer side?
Whaur lies yer pain, lady, does it lie in yer heid?
Oh no, no, Glenlogie, ye're far frae the pairt
The pain that I lie under, it lies in my heart
Turn round, Jeannie Gordon, turn round on your side
It's I'll be the bridegroom and you'll be the bride
Now Jeannie's gotten married and her tocher's doun tauld
Bonnie Jeannie o Bethelnie wis scarce sixteen year auld
Oh Bethelnie, oh Bethelnie, you shine where ye stand
And the heather bells around you shine o'wer Fyvie's land
'An Hour Before The Dawn' is available to buy online for a mere £10, no CD collection is complete without it (well, some might be, but will yours?)